ﻳﺎﺍﻗﺪﺍﺭ ﺍﻟﺴﻮﺍﺩ ﻣﺎﻟﻚ ﺳﺎﻭﺍﻧﻲ ﺍﻣﺎﻡ .
ﺗﻠﻔﻮﻧﻲ ﻓﻲ ﺍﻟﺸﺎﺣﻦ ﺭﺍﻗﺪ ﺗﻤﺎﻡ .
ﺷﻨﻮ ﺍﻟﺨﻼﻧﻲ ﺍﻓﺼﻠﻮ ﺑﺮﺍﻱ .
ﻭﺍﻧﺎ ﻃﺎﻟﻊ ﺍﻟﺤﻤﺎﻡ ﻓﻲ ﺩﺍﻋﻲ ﺍﺷﻴﻠﻮ ﻣﻌﺎﻱ .
ﻳﺎﺗﻠﻔﻮﻥ ﺍﻟﺠﻦ ﻳﺎﺍﻟﺸﺎﻟﻚ ﺍﻟﺤﻤﺎﻡ .
ﻓﻴﻚ ﻳﻌﻮﺿﻨﻲ ﺭﺑﻲ ﺍﻟﻮﺍﺣﺪ ﺍﻟﻌﻼﻡ .
ﻣﺎﻧﻲ ﻧﺪﻣﺎﻥ ﻋﻠﻲ ﻗﻴﻤﺘﻚ ﻭﺍﻟﻤﺎﻝ .
ﺍﻻ ﺍﻟﺸﺮﻳﺤﻪ ﻓﻴﻬﺎ ﻛﻤﻴﻬﺎ ﻣﻦ ﺍﻻﺭﻗﺎﻡ .
ﻓﻴﻬﺎ ﺍﺭﻗﺎﻡ ﺣﺒﺎﻥ ﻓﻲ ﺍﻟﻘﻠﺐ ﻟﻴﻬﻢ ﻣﻘﺎﻡ .
ﻓﻴﻬﺎ ﺍﺭﻗﺎﻡ ﻧﺎﺳﺎ ﻛﺘﺎﺭ ﺟﻤﻌﺘﻨﻲ ﺑﻴﻬﻢ ﺍﻻﻳﺎﻡ .
ﻓﻴﻬﺎ ﻣﻦ ﺭﺳﺎﻳﻞ ﺍﻟﺘﺬﻛﺎﺭ ﺍﻛﻮﺍﻡ ﻭﺍﻛﻮﺍﻡ .
ﻓﻴﻬﺎ ﺍﺷﻌﺎﺭ ﻭﺑﺪﺍﻳﺎﺕ ﻛﻼﻡ .
ﻓﻴﻬﺎ ﺍﺭﻗﺎﻡ ﺗﺎﻧﻲ ﺍﺣﻠﻢ ﺑﻴﻬﺎ ﺍﺣﻼﻡ .
ﻓﻴﻚ ﻳﻌﻮﺿﻨﻲ ﺧﺎﻟﻖ ﺍﻻﻧﺎﻡ .
ﻭﻧﺪﻣﺎﻥ ﺍﻧﺎ ﻓﻲ ﺍﻟﺘﺴﺠﻴﻞ ﻣﺎﻛﺘﺎ ﻫﻤﺎﻡ .
ﺍﺻﻠﻮ ﺍﻟﻜﺴﻞ ﻣﺮﺿﻨﺎ ﻋﻮﺍﻗﺐ ﻭﺧﺎﻡ .
ﻳﺎﻣﺮﺍﻛﺰ ﺍﻟﺴﻮﺍﺩ ﻛﺘﻴﺮ ﻓﻮﻗﻚ ﺣﻮﺍﻡ .
ﺍﻗﻮﺍﻝ ﺑﺮﺟﻊ ﻭﺍﺟﻴﻚ ﺻﺎﺩ ﺑﺠﻨﺎ ﺍﻻﻳﺎﻡ .
ﻫﺴﻊ ﺷﺮﺑﺘﻮ ﻣﻘﻠﺐ ﺍﻟﻜﺴﻼﻥ .
ﻃﻠﻴﻌﻚ ﺻﻌﺐ ﻭﺍﺻﺒﺢ ﺣﻴﺮﺍﻥ .
ﺭﺍﺿﻴﻦ ﺑﺎﻟﻘﺪﺭ ﺍﻻ ﻳﺎﺍﻟﺠﻮﺍﻝ ﻓﺮﺍﻗﻚ ﻧﻴﺮﺍﻥ
ﻭﺍﻟﻔﻲ ﺍﻟﺬﺍﻛﺮﻩ ﺣﻜﺎﺗﻮ ﻛﺎﻥ ﻭﻳﺎﻣﺎ ﻛﺎﻥ .
ﻓﻴﻬﺎ ﻣﻦ ﺍﻟﻘﺪﻳﻢ ﺍﻟﻠﻴﻬﻮ ﺩﻫﻮﺭ ﻭﺍﺯﻣﺎﻥ .
ﻭﺩﺍﻟﻨﺼﺮﻱ ﻋﻨﺪﻭ ﻓﻴﻬﺎ ﻣﻜﺎﻥ .
ﻭﻣﺤﻤﺪ ﺣﺎﺝ ﻓﺎﻳﻠﻮ ﺍﺻﺒﺢ ﻣﻼﻥ .
ﻭﺍﻟﻘﺮﺍﻥ ﺭﺍﻗﺪ ﻓﻴﻬﺎ ﺑﺎﻟﺰﻳﻦ ﻭﺷﻴﺦ ﺣﻤﺪﺍﻥ .
ﻭﻓﻴﻬﺎ ﻣﻦ ﺍﻟﻤﻘﺎﻃﻊ ﻭﺍﻟﺼﻮﺭ ﺍﻃﻨﺎﻥ .
ﻓﻴﻬﺎ ﺻﻮﺭﺓ ﺍﻟﻔﺎﺕ ﺍﻟﺪﻧﻴﺎ ﺍﻥ ﺷﺎﺀ ﺍﻟﻠﻪ ﻟﻲ ﺟﻨﺎﻥ .
ﻭﻓﻴﻬﺎ ﺻﻮﺭ ﺍﻟﺠﺪﻳﺪ ﻭﺍﻟﺤﺼﺮﻱ ﻓﻲ ﺍﻟﻤﻴﺪﺍﻥ .
ﻭﻓﻴﻬﺎ ﺍﺷﻌﺎﺭ ﻣﻦ ﺍﻟﺒﻨﺎﺀ ﻭﺩﻣﺎﻣﺎﻥ .
ﻭﺑﻲ ﺍﺷﻌﺎﺭ ﺍﻟﺸﻮﺍﻳﻘﻪ ﺩﻓﺲ ﻣﻼﻥ .
ﻳﺎﺗﻠﻔﻮﻥ ﺍﻟﺮﻣﺎﺩ ﻫﺎﻥ ﻋﻠﻴﻚ ﺗﺴﻴﺒﻨﻲ ﺣﺰﻧﺎﻥ .
ﺍﻟﺸﺮﻳﺤﺎ ﺍﻟﺨﻂ ﺯﺍﺕ ﺭﺍﺣﺖ ﻣﻬﺎﻫﻮ ﻛﻤﺎﻥ .
ﻭﺍﻝ( ٢٢٦) ﺑﺘﺴﺎﻭﻳﻪﻥ ﺷﺮﻳﺤﺘﻴﻦ .
ﻭﺍﻟﻨﻬﺎﻳﺘﻮ (٩٥٥ ) ﻟﺤﻖ ﺍﻟﻔﻲ ﺍﻟﻘﺒﻮﺭ ﺭﺍﻗﺪﻳﻦ .
ﻏﺎﻳﺘﻮ ﻳﻌﻮﺿﻨﺎ ﻓﻴﻚ ﺭﺑﻨﺎ ﺍﻟﺮﺣﻤﺎﻥ .
ﺭﺍﺿﻴﻦ ﺑﺎﻻﻗﺪﺍﺭ ﻭﺍﻓﻀﻞ ﺍﻟﻜﺘﻤﺎﻥ .
ﺍﻻﻛﻤﺎﻥ ﺍﻧﺎ ﻭﻫﻮ ﻛﻨﺎ ﺯﻱ ﺍﺧﻮﺍﻥ .
ﺷﻜﻴﺘﻮ . ﻟﻠﻤﻌﺎﻱ ﻓﻲ ﺍﻟﺒﻜﺎﻥ .
ﺍﻣﻜﻨﺎ ﻳﻠﻘﻮﻟﻮ . ﻣﺤﺠﺎﻥ .
ﻗﺎﻟﻮ ﻳﻌﻮﺿﻚ ﺍﻟﻮﺍﺣﺪ ﺍﻟﺪﻳﺎﻥ .
ﺑﻄﺎﺭﻳﺘﻮ ﺗﻼﺕ ﺍﻳﻤﺎﻡ ﻭﻳﺮﺟﺎﻙ ﻣﻼﻥ .
ﻣﺎﺟﺎﻧﻲ ﻫﺪﻳﻪ ﻣﻦ ﺧﺎﺭﺝ ﺍﻟﺴﻮﺩﺍﻥ .
ﻣﺎﻟﻮ ﻛﺘﺎ ﻓﻮﻕ ﺍﻧﺎ ﺍﻟﺘﻌﺒﺎﻥ .
ﻭﻓﻲ ﺍﻟﻨﺖ ﻳﻤﻴﻦ ﺍﺳﺮﻉ ﻣﻦ ﺍﻻﻳﺒﺎﺩ .
ﻭﻓﻲ ﺍﻟﺘﺤﻤﻴﻞ ﺳﺮﻳﻊ ﺿﻌﻔﺎﻥ .
ﻭﻣﺎﻧﻲ ﺑﺨﻴﻞ ﻋﻠﻲ ﺍﻟﻤﺎﻝ ﺣﺴﺮﺍﻥ .
ﺗﻠﻔﻮﻧﻲ ﺍﺳﻤﺎ ﻭﺍﻏﻠﻲ ﻣﻦ ﺍﻻﻣﻮﺍﻝ .
ﺗﻠﻔﻮﻧﻲ ﻣﺮﺍﺟﻊ ﻭﻓﻲ ﺍﻟﺸﻌﺮ ﺍﻗﻮﺍﻝ .
ﺗﻠﻔﻮﻧﻲ ﻓﺮﻗﺘﻮ ﻣﻌﺎﻱ ﺍﻛﺒﺮ ﻣﻦ ﺍﻻﻛﻮﺍﻥ .
ﻭﻋﺎﺯﻱ ﻋﻠﻲ ﺭﻗﺎﺩﻭ ﺑﻴﻦ ﺍﻻﻭﺳﺎﺥ ﻫﻮﺍﻥ .
ﺍﺭﻗﺪ ﺍﻥ ﺷﺎﺀ ﺍﻟﻠﻪ ﻓﻲ ﺍﻣﻨﻨﺎ ﻭﺍﻣﺎﻥ .
ﻣﺎﻳﺒﻘﻲ ﻋﻠﻴﻚ ﺣﺎﻝ ﻳﻮﺳﻒ ﻭﺍﻻﺧﻮﺍﻥ .
ﻭﻳﺠﻴﻚ ﻧﺎﺯﻝ ﺑﺪﻝ ﺍﻟﺪﻟﻮ ﺍﺛﻨﺎﻥ .
ﻭﺗﺎﻧﻲ ﺗﺮﺟﻊ ﻟﻲ ﺻﺎﺩ ﺯﻱ ﻣﺎﻛﻨﺘﺎ ﺯﻣﺎﻥ