منقول من عمر الحسن
قصيدة (شاقونى )للشــــــاعـــــــــــر
************************
حمــــزه الــنــور طـــيـــفـــــــــــــــــــور
************************
نعم اللملمو الهيلم *****عبو وقاموا لى اهيلم
شاقونى ياخلاى ياحليلم
قام العمده للأذان ***** وصلو الصبح, فى الديوان
ودع سايرة الخلان***** ناوى الرجعه للأوطــــــان
شاقونى ياخلاى ياحليلم
طبَّق لى ملابسو وشال***محمد طه خلى شمال
عن ودعقله جاهو رمال ***وبت طيفور بقــالـه زوال
شاقونى ياخلاى ياحليلم
قطع الوادى والهيال ***طلع القلعه ديك جـــــبَّال
كفى ماتبكى يابلاَّل***دوام الحال دا اصلو محال
شاقونى ياخلاى ياحليلم
طب مدينى فى الاوَّان**وفى الجامع سمع أذان
عن يمينو لاحلو بيان **حسن البلحق الدركان
شاقونى ياخلاى ياحليلم
خبرا" جانى ياابوالسيد** مقيلم فى مدينى اكيد
ترا الخلانى اجيب لى قصيد** ديل زارونا يوم العيد
شاقونى ياخلاى ياحليلم
البنطون عنابو وقام ***وختـــم ودجـــنه مــــن قـــدام
عدا الشرقى خمسه تمام***وطبَّ المصلحه وسلاَّم
شاقونى ياخلاى ياحليلم
الخبر الاتانى أثير ***المصلحه جاها عصرا" ســـيــــر
شَقَّا المنقه والدهسير***وتمرى هندى شالم شيل
شاقونى ياخلاى ياحليلم
قطع الجدول اب كبرى ***واتقلل هناك صبـــرى
زيقن حالوا لو تدرى *** حتى الموز قبل عزرى
شاقونى ياخلاى ياحليلم
خبرو اليوم سليم الذوق***فات الغابه خشَّا السوق
ابقيدوم دخول ومروق *** مدرسه فوق قليعهم فوق
شاقونى ياخلاى ياحليلم
المريوه ناس الصيح *** قطــــعو الرخــــصه والتصريح
انا الخبر الاتانى صحيح***مبيتو الليله فى ابوطليح
شاقونى ياخلاى ياحليلم
اصلو الراى من ابزقدوم ***ياالاوَّلو قــــالو نقـــــــــــوم
السبب البجيب اللوم ***قعد بى وراهو عاد كم يوم
شاقونى ياخلاى ياحليلم
انا كان أنسى مابنسى*** عيدا" بعدهُ عرسه
بعد الحنه والجلسه *** اصبح تانى ماامســـه
شاقونى ياخلاى ياحليلم
ياحسن انت قاعد وين*** أدخلو فى الفريق زولين
أفعلو فينا زى دايرين ***اصبحو تانى مافيشـــــين
شاقونى ياخلاى ياحليلم
صليت للنبى الأواب ***والتسليم مجدول كــــــــاب
زيقن وجملة الأحباب***لى اب جنحين يكونو قراب
شاقونى ياخلاى ياحليلم
صليت للنبى العنان***عدد الضره فى الحـــيضــــان
زيقن وجملة الأخوان***لى اب جنحين نكون جيران
شاقونى ياخلاى ياحليلم